theme-sticky-logo-alt
theme-logo-alt
Advertisement ad1

Yoh sikai rep Integrated Farming System ka chnong Madankynsaw-Mowkyndeng

Advertisement ad1
Advertisement ad1

Jowai: Ka e sikai chaphang ka Integrated Farming System (IFS) ka wow neh chi bnai pura da sdang ko ynnin ka sngi hapoh ka chnong Madankynsaw-Mowkyndeng, wei ya kani ka e sikai da kyrchaan poisa da ka Asian Development Bank lyngba ka Meghalaya State Skill Development Society (MSSDS).

Ya kani ka e sikai da pynbiang pyntoh daka Rural Resource Training Centre (RRTC) Umran, Ri-Bhoi District kawa man kam ka chnat e sikai yong ka sorkar. Ha kani ka e sikai da em kamwa 45 ngut kiwa ya chimbynta (Trainees) wa daw sikai leh ha kiwa boon ki liang nadooh ka kaam rep, kam ri mrad, u chna yaki Achar, u chna mit mit wa kiwi kiwi.

Advertisement ad1

Neiliang u waheh chnong u D. Shadap da e u yei yaroh wa i e khublei wa kyrpang ya ka MSSDS wa khamtam ya ka RRTC Umran wa da yaleh chitom ki u phah ya kiwa sikai (Trainers) chadooh cha chnong wow e sikai ya ki warep. Hadien ka e sikai daw em leh ki yarap wow yoh ki warep kam ki sniang, syiar, symbe jhoor, ki kor siat khniang wei i thmu wa kongsan dooh toh wow pynku ya ka yoh ka kot ki warep.

Share this:
Previous

Da pyllait ya u khoo Mid Day Meal

Next

Pyrchah ka EJNC yei thmu wow chna yaka karkhana Coke Plant ha Jalaphet