15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Yoh takma 17 ngut ki khynnah ka AMKA na ka lympung NKBC 2017
Daw pynman ya ka Indian Open National Kick-boxing Championship 2018 ha Shillong

0 Comments
Advertisement ad1
Advertisement ad1
Advertisement ad1

Shillong: Ka All Meghalaya Kick-boxing Association da pynsñiaw ko i mynsien wa kmen hadien wa yoh takma ki khynnah yong ka ha ka lympung National Kick-boxing Championship 2017, kawa da man ha Sunam, Punjab nadooh ka 22 hadooh ka 25 tarik uni u bnai.

Hawa yaklam wa kiwa pathai khubor ynnin ka sngi u president ka AMKA, u Samuel Hashah da ong u wa kani man ko ka sien wa nyngkong wa ki khynnah yalehke na ka jylla lai yachim bynta ki ha kani ka lympung, wei da khana u wa neiliang ka Association da phah ko 22 ngut ki khynnah cha kani ka lympung wa kynthup 16 ngut ki kynthai wa 6 ngut ki chynrang.

Advertisement ad1
Advertisement ad1

U Hashah da pynsñiaw u yei sñiaw sarong wa napyrdi kini  ki 22 ngut 17 ngut da yoh takma ki, heiwa 2 ngut da yoh ki ya ka takma ksiar, 4 ngut ya ka takma rupa wa 11 ngut won da yoh ki ya ka takma tama.

U president ka AMKA da ong u leh wa na ini i wanrah burom yong ki neiliang ka Indian Association Kick-boxing Organisation da jied ko ya ka jylla Meghalaya neibynta wow pynman ya ka lympung Indian Open National Kick-boxing Championship 2018 ha Shillong nadooh ka 28 hadooh 31 Kmaichonglad.

Heijooh i por da khana u wa ka IAKO da e kyrdan ko leh ya arngut ki rang yalehke ka jylla, u Johny Ryntathiang uwa da yoh ya ka 1st Degree Black Belt wa u Samuel Hashah uwa da yoh ya ka 3rd Black Belt.

Advertisement ad1

0 Comments

Leave a Reply