U Blaseibok Kharbuli wa u Pynnehbor Mylliemngap da rah burom ki ym du yaka jylla Meghalaya tangwa wot yaka ri waroh kawi deiwa yoh mar kawi ka takma haka IFMA Senior Muay-Thai Championship 2022 kawa da pynman ha Abu Dhabi nadooh ka 26 tarik u Naisan wei da pynkut ynne ka 4 tarik.
U Blaseibok Kharbuli toh uwa na Smit wei da chimbynta u haka kyrdan U-23 Male 48 Kg wei da rem u du chisien heiwa da yoh u ya ka takma tama hadien wa yachem u wa u Mohammad Rifdean Bin Masdor uwa na Malaysia haka Semi Final katwa u Masdor da lai u chkhmat wow jop ya ka takma ksiar.
U Pynnehbor Mylliemngap uwa naka chnong Smit hi da yoh u leh yaka takma tama ha ka kyrdan Senior Male Elite-48 Kg.
Waroh kiwa yalehke ka India da em ki 19 ngut heiwa kiwa na Meghalaya da em ki 3 ngut deilang wa u Skhemborlang Marweiñ uwa da yakhun ha ka kyrdan U-23 Male 54 Kg tangwa ym em yoh takma u.
Da lai lang leh wa ki Referee wa ki Judge na Meghalaya wa kynthup ya u Pynsuklang Sumer wa u Angelus Sun.
