U Sumit Antil ynne da yoh u ya ka takma ksiar ya ka India ha ka Javelin Throw F64 ha ka Summer Paralympics, Tokyo. Kani ka kyrdan Javelin Throw F64 toh neibynta kiwa em i duna ha ka kjat wei da pyndait ki ya ka Prosthetic Leg.
Wa kani ka takma, ka India da yoh ko ar tylli ki takma ksiar ha kani ka lympung.
ADVERTISEMENT
U Sumit toh uwa 23 snem na Sonepat, Haryana, wei da dooh u ya ka kjat tidiang u na khliehkyrsu chawah ha i tyrrah thuk-thuk ha u 2015.
Ynne ka sngi da chær u ya u soom Javelin ha i jngai wa 68.55 m heiwa da tam lut u ya kiwi tawon kiwa chimbynta wei da booh u leh ya ka World Record wa thymme.
Waroh ki takma wa da yoh ka ri ha kani ka lympung 2020 Summer Paralympics da man ki 8 tylli.
