Ka khloor yalehke Table Tennis ka India, ka Bhavina Patel ynne da yoh ko ya ka takma rupa ha ka Tokyo Paralympic Games hadien wa chah pynrem ko ha ka Ying Zhou na China ha ka Women’s Singles Class 4 Final.
Ka Bhavina toh kawa 34 snem i rta wei da chitom ko na ka khut Polio heipor wa em ko kamwa chi snem i rta wei da kha ya ka ha Mehsana, Gujarat.
Neiliang u montri rangbahdooh ka ri, u Narendra Modi da e khublei u ya ka Bhavina deiwa ong wa da man ko kam ka nongmuna ya kiwi wow kyruiñ ki cha ka yalehke Sports.
