U Deputy Commissioner, West Khasi Hills District da e khublei u ya kiwa sumaar Tuberculosis (TB) ka West Khasi Hills, Nongstoin TU wa yoh ko yei khusnaam namo ka Award ha ka Sub National Certification for TB Elimination.
Ka West Khasi Hills District da yoh ko ya ka takma Tama hei yakhun wow pyndoohjait ya ka kjut Tuberculosis ha ka jylla wa ka ri chwa u 2025.
Ya kini ki takma da e da ka Ministry of Health & Family Welfare ka sorkar India ha ka World TB Summit wa da pynman ha ka ka 24 tarik u Wisu uni u snem ha Varanasi, Uttar Pradesh.
Ka District da yaleh ko yow yoh ya ka Sub-National Certification ha u 2022 hajrong ka “Progress towards TB Free Status” ha ki bynta waphær waphær wow pynduna yei kjut TB.
Katkam ki kyndon ka Sub-National Certification, ki District kiwa da ye u pynduna 20% kiwa kjut TB hawa nujor wa u 2015, ye ki wow yoh ya ka takma Tama waka song poisa T. 2 lak wei kiwa ye u pynduna hadooh 40 %, 60 % wa 80 % na u 2015 ye ki u yoh ya ka takma Rupa wa takma Ksiar, ka TB Free District Award deilang waka song poisa wa T. 3 lak, T. 5 lak wa T. 10 lak.
Katkam ka Sub National Certification Survey, wa da pynman hadooh wa kut u 2022, ka West Khasi Hills da yoh ko ya ka takma Tama wa ka song poisa wa T. 2 lak na ka Ministry of Health and Family Welfare ka sorkar India yeiwa da ye u pynduna 20% kiwa yoh kjut Tuberculosis deiwa kheiñ 166 ngut na ka chi lak ngut kiwa chong chnong ha u 2015.
