theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh u Bantei Rymbai ya ka District Bravery Award

Ka Dorbar Chnong Ladrymbai Dongwah da e khublei ko ya u Bantei Rymbai, u khon yong ka Bonica Rymbai wa u Shanki Phawa uwa chong wa sah ha Ladrymbai Dongwah neibynta i yoh pdiang yong oo ya ka District Award for Bravery na ka yung krehkaam u Deputy Commissioner, East Jaiñtia Hills District, Khliehriat ynne ka sngi.

Ka Dorbar Chnong da kitbok kitrwiang ko ya uni u khon ka chnong wow nang san nang roi u hei manbru wei khamtam ha ki kaam wa bha wow man u kam ka nongmuna wa bha ya kiwi won kiwa chong chnong wei ya ka imlang sahlang hi kamjooh.

Ka Dorbar Chnong da pynsñiaw ko leh yei sñiawngooh wa kyrpang ya ka yung krehkaam u Deputy Commissioner, East Jaiñtia Hills District, Khliehriat, ka yung krehkaam u District Child Protection Officer, East Jaintia Hills, Khliehriat wa kiwi kiwa emkti wow pynkup burom ya u khon yong ka chnong ha kani ka sngi laitlooid wa 75 yong ka ri wei khamtam leh hei dap 50 snem yong ka jylla yong i.

U Bantei Rymbai ha ka 25-02-22 heipor 2:00 waje i sngi da jia i iñ i yung ka Dymmai Nongtdu wa em ha Ladrymbai Dongwah heiwa oo khlem da pyrkhat ya idæ da lai pynlait im u ya arnut ki khon ko heiwa ini i yung da baam lut i diñ ki.

Share this:
Previous

Ka lehkmen Independence Day ha Shillong

Next

Lehkmen ka VDP Lamyrsiang ya ka sngi yoh laitlooid