U Gloucester Nongbet uwa na Meghalaya da man u uwi na ki 84 ngut napoh ka ri wa da chah jied wow yoh ya ka Sangeet Natak Akademi Amrit Award na u Vice-President ka India, u Jagdeep Dhankhar kam chibynta ka lehkmen Azadi Ka Amrit Mahotsav wei kini kiwa chah jied toh kiwa da em 75 snem chaneiñ heiwa u Gloucester toh uwa da em 84 snem i rta.
Kiwa yoh ya kani ka Award da yoh ki leh ya ka song poisa wa Rs. 1,00,000 deilang waka Tamrapatra waka Angavastram.
Ya kani ka khusnaam da saam ynnin ka 16 tarik ha Vigyan Bhawan, New Delhi deiwa emlang u Minister of Law and Justice (Independent Charge) wa Minister of State for Culture wa Parliamentary Affairs, u Arjun Ram Meghwal deilang waka Minister of State for Culture and External Affairs, ka Meenakashi Lekhi.
U Gloucester Nongbet da yoh u ya kani ka Award na Meghalaya heiyatoh wa ki sur ki rwai tynre wei da kha ya oo ha ka 08-07-1938 ha Shillong. Nadooh wa dang khian u toh uwa ka-it bha ya ki sur ki rwai tynre. Da chong ngiah u leh nei kreh sorkar kam u IRS Officer ka chnat Custom ka Meghalaya.
U Gloucester Nongbet toh uwa chna sur, uwa rwai wei uwa pliah bha wow tem Duitara kamjooh uwa chna leh ya ka Duitara kamjooh uwa pliah wow put chawiang, u tem Guitar waka Piano.
Da dep u leh u chna palat 100 tylli ki sur ki rwai tynre, ki rwai chaphang ka bei rym-aw, ki sur maya ri wa ki sur mane Blai.
Man u leh kam u ‘A’ Grade Artist ka All India Radio wa Doordarshan wei da lai tem lai rwai u ha kiwa boon ki bynta ka ri. Da thoh u leh boon ki parom kiwa pynemkaam ha ki yalehke Theatre wei kamjooh ki phlim Khasi kam ka Sha Ba Sep Ka Sngi wa kiwi de.
Discussion about this post