Ynne ka sngi da lehkmen ya ka Meghalaya Day heiwa da man ko ka lyngkhooh snem wa 54 nadooh wa yoh ya ka jylla ha u 1972 wei ya kani ka sngi da lehkmen ha kylleiñ ka jylla.
Kamtæ ha kani ka sngi da e kti leh ya ka Governor’s Police Medal cha ki pulit wa da kreh chitom neibynta ki paidbah ka jylla waroh kawi.
Ynne da em 15 ngut ki pulit wa yoh ya ini i naam na kylleiñ ka jylla.
Uwi na ki sahep wa yoh ya kani ka naam toh u UB Inspector ka Anti Infiltration Directorate Meghalaya uwa man leh katni kam u I/C ka Special Squad ka East Jaiñtia Hills District, u Evantinus LT Pohchen.
U Pohchen toh uwa da jooh yoh yaroh u ha ki kaam chakri wei yarap ya ki paidbah heipor wa em u ha Jowai Police Station, Phramer Traffic Cell, Jowai Traffic Branch, Ummulong BH, Dawki PS wa ha Raliang OP.
Discussion about this post