U khynroo Khasi uwa tip kam u Erick Nongrum uwa lai puræ ha St. Anthony’s School Shillong, da lai chimbynta u ha ka yakob tynre ki Punjabi heiwa da jop u yei naam 1st Runner Up ha ka Mr Baisakhi.
Ha kani ka yakob da riam u leh da ki riam tynre ki Khasi kawa man leh ka lehkmen ya ka dustur riti ki Punjabi.
Ya kani ka Mr & Miss Baisakhi da pynman da ka Khalsa Sports & Cultural Association heiwa ka Baisakhi man ko lehkmen ki Punjabi chwa wow lai hiar rep ki.
Ya kani ka yakob ha Shillong da pynman ha U Soso Tham Auditorium, Shillong ha ka 18 tarik uni u bnai.
Ha kani ka Mr Baisakhi 2026 da pynman le kylla heiwa ha ka 1st Round da em i pynoo yei riam tynre wei i pyntipmit kiwa chimbynta.
Ha ka 2nd Round won da riam da ki riam Punjabi wei da jubab leh yeiwa da kylli kiwa bichaar namo ki Judge.
Ki Judge kynthup ki ya ka Riya Suting (Miss P&I India 2025), u Dr. Manjeet Kaur Kashat (Vice Chancellor CMJ University, Meghalaya), ka Stella Rica Khongsni (Sunsilk Mega Miss Northeast 2026), ka Vienna Jaitley, u Prateek Thapah (GMI Mr. India IAMS International 2024) wa ka Rochelle Mitson Wahlang.
Hadien wa dadep wow bichaar, yei naam Mr Baisakhi da yoh u Rishikesh Gautam, 1st Runner Up da yoh u Erick Nongrum katwa yei naam 2nd Runner Up da yoh u Abhishek.
U Erick man u du oo samen u Khasi wa chimbynta ha kani ka yakob.
Discussion about this post