Ka yakob wa tip kam ka Awesome Face of Northeast 2020 kawa pynman haka 20-12-20 ha ki kyrdan waphær waphær nadooh ya ki chynrang, kynthai wa ki khynnah ha Shilpgram, Guwahati neibynta ka thaaiñ Northeast da wan chimbynta da kiwa boon hadien wa pynman yei jied namo ki Audition ha ki jylla ka thaaiñ Northeast kiwa da yoh u chimbynta ha kani ka Grand Finale.
Uwi na kiwa chimbynta toh u Emitre Myrphet uwa chong wa sah ha Khimusniang PHE, Jowai, uwa da dep pyndep yei kyrdan Master of Business Administration (Finance & Marketing) na jylla Chennai, uwa da yoh yei naam (Subtitle) Mr. Intellectual haka yakob Awesome Face Of Northeast, 2020.
Ya i naam Miss Awesome Face of Northeast 2020 da yoh ka Hemeera Bhutt katwa yei naam Mr. Awesome Face of Northeast da yoh u Aniketh Biswa, ha ki Kids Category ki khynnah chynrang da yoh u Affuranta Kaushik Kalita katwa ha ki khynnah kynthai da jop ka Pareenita Das.
Ya kani ka yakob da pynman daka Aakriti Events Pvt Ltd. Da wan yachim bynta boon ngut ki khynroo khyllood napoh Northeast wei da man ka sien wa ar wa pynman ya ka.
Kam wa pynkynmoo u Emitre da jooh rah nam jop u ha u snem 2019 ha ka 2nd Runners Up Prince Khliehriat, wa da pynman daka Khliehriat West Youth Welfare & Sport Club. Wei da rah jop u leh haka Top 20 yong ka Mannath Production Model, India, 2019.
