U Kishan Lyngdoh da yoh u ya spah Run (Century) wa nyngkong u ha ka yalehke T20 deiwa pynjop da 9 Run ya ka Meghalaya pyrchah ya ka Sikkim ha ka Syed Mushtaq Ali Trophy 2025-26 Plate Group wa da pynman ha Pune ynnin ka sngi.
Ya ka Meghalaya da phah wow Bat nyngkong ko heiwa u Kishan da yoh u 115 Run, u Arpit Bhatewara 63 yow kamai 190/7 na ki 20 Over.
Ka Sikkim da jan yoh ko yei jop deiwa kamai 181/4.
U Kishan dadep u wow yoh ar tylli ki spah Run ha ka Ranji Trophy wei ha kani ka yalehke T20 da yoh spah Run u na 67 bol wa kynthup ya 12 tylli ki 4 Run wa 6 tylli ki 6 Run.
U Arpit da kamai u ya ki 63 Run na 41 bol wa kynthup ya ka 5 tylli ki 4 Run wa 4 tylli ki 6 Run wei chirup wa u Kishan da kamai ki 157 Run neibynta ka Wicket wa nyngkong chwa wow haap u Arpit ha ka Over wa 16.
Ka Meghalaya da yoo lakam wow kamai ko palat 200 Run tangwa kiwi kiwa Bat da haap smat ki uwi hadien uwi.
U Kishan da yoh u leh yei naam Player of the Match wei ka Meghalaya daw yachem ko wa ka Manipur mynstep ka sngi Friday.
Discussion about this post