Uwi u koidi uwa da phah kset chi rta, da yoh u wow yut napoh ka Jowai District Jail ynne ka sngi heipor kamwa 1:30-2:30.
Da yoh u wow yut heipor wa phah ya oo wow sait ya kawi ka kari Ambulance hapoh ka Jail kawa da em hapoh ka Jail hi.
Uni u koidi toh uwa tip kam u Shningstar Pala (22 snem) uwa da rai pynrem da ka yung bichaar ha ka 09-05-22 hadien wa tynyap u ya uwi u khynnah wa dang 9 snem ha ka 26-06-2018 uwa naka chnong Umjalasiaw.
Uni u khynnah toh uwa dang kam kong u ya u Shningstar Pala uwa da rah bor da u Shiningstar cha Karbi Anglong, Assam heiwa yei metyap uni u khynnah da chem nei chnong Laher, West Karbi Anglong.
Ha u snem 2018, u Shiningstar da dep u wow yoh u yut na ki pulit hadien wa chah kem u wa tooh Mobile Phone u na iwi i dukan wa em ha Ummulong.
Puræ leh: Chah tynyap u khynnah wa dang 9 snem na Umjalasiaw ha u kong yong oo
Puræ leh: Hapoh 12 kynta chah kem biang u Shiningstar hadien wa yut u na kti ki pulit
