Kiwa yalehke Kickboxing ka East Jaiñtia Hills District dapoi ki ha ka kyrdan wa ar ha ka 27th Meghalaya State Level Kickboxing Championship 2024 kawa da pynman ha Laitkor Kynton-U-Mon ha ka 27 wa 28 tarik uni u bnai da ka Meghalaya Association Kickboxing Organisations (MAKO).
Ya kiwa yalehke ka East Jaiñtia da yahkhmat da ka Hammylleiñ Ki Dkhar kawa na Cham Cham.
Ha kani ka lympung da wan wow chimbynta da le tylli ki District kitæ toh ka East Jaintia Hills, East Khasi Hills wa West Jaiñtia Hills District wei waroh kiwa chimbynta da em ki kamwa 100 ngut.
Ha kani ka State Level Kickboxing Championship da yoh nyngkong ‘Champion Team’ da ka East Khasi Hills District katwa hei wa ar da yoh da ka East Jaiñtia Hills District.
Kiwa jop na East Jaiñtia Hills man ki kamni:
Ka Kongka Dkhar (Mutong) da yoh Takma Ksiar ko ha ka Light Contact Event- 55 kg
U Salmi Phawa (Cham Cham) da yoh Takma Ksiar u ha ka Junior Boys Light Contact Event- 51 kg
U Deihi Chyrmang (Jalaphet) da yoh Takma Ksiar u ha ka Junior Boys Light Contact Event- 56 kg
Ka Lucy Rymbai (Mukhaialong) da yoh Takma Ksiar ko ha ka Junior Girl Point Fighting Event- 45 kg
U Dakularme Bareh (Jalaphet) da yoh Takma Rupa u ha ka Junior Boys Light Contact Event- 56 kg
Ka Take Care Phawa (Mukhaiaialong) da yoh Takma Rupa ko ha ka Junior Girl Light Contact Event- 56 kg
U Joply Sana (Mukhaiaialong) da yoh Takma Rupa u ha ka Senior Men Full Contact- 56 kg
Ka Rikhuid Pdeiñ (Mukhaiaialong) da yoh Takma Tama ko ha ka Junior Girl Point Fighting Event-35 kg
Ya ka seiñ kiwa yalehke Kickboxing da seiñ nyngkong ha Meghalaya ha u snem 1996 da u Founder President ka Meghalaya Association Of Kickboxing Organizations (MAKO), u Donny R. Ranee uwa da pyntip wa kiwa jop ha kani ka 27th Meghalaya State Level Kickboxing Championship daw jied wow mihkhmat ki cha kiwi ki lympung yalehke kam ka Regional wa National Kickboxing Championship kiwa daw pynman ha u November wa December 2024.
Kamtæ da kitbok kitrwiang u ya kiwa jop ha kani ka lympung wow jop ki leh ha ki yalehke wa daw pynman.
Discussion about this post