U Lalrinzuala Thieite, u khon ka Zoramsiam Thieite, uwa chong wa sah ha Iawthymme Ladthadlaboh, Jowai, da yoh u rah yei naam kam u 1st Runner Up yong ka Mr. Face Of Tomorrow kawa pynman ha Assam Club, Shillong ha kani ka 25-09-2021.
U Lalrinzuala katni da em u 24 snem wei da dep pyndep u ya ka puræ Bachelor of Arts na Kiang Nangbah Government College, Jowai wei katni da kreh u ha ki kaam Marketing.
Kam wow pynkynmoo wa u Lalrinzuala ha ka 31-03-2021 da rah u leh ya ka Mr. Perfect Body yong ka Iconic Face of Northeast kawa pynman ha Guwahati, Assam, da jooh man o leh kam u Mr. Kiang Nangbah Government College ha u 2018 wei 2nd Runner up ha ka Mr. Ladthadlaboh, 2019.
Ha kani ka yakob yong ka Face of Tomorrow, ya ka kyrdan nyngkong da rah da u Sohan Lama, wei 2 nd Runner up da rah da u Pratap Thapa.
Ha ki liang ki kynthai da rah da ka Jessica Kharwaniang, wa ar da ka Rebecca Nongkhlaw katwa hei wa le da yoh da ka Shivya Magar.
