Ka Rumshnong Youth Club Bataw kawa man ka Club wa bna naam hapoh chnong Bataw kawa em yei thmu wa pura wow pynku yei sap yei phong ki khon khynroo ha ki liang yalehke Drama kamjooh ya ka kaam yalehbol wa kiwi de ki bynta kawa da seiñ nadooh u snem 1967, da pynman ko ya ka Dorbar Pyllun wow jied ya kiwa kitkaam wa ki dkhot ka Executive Committee wa thymme neibynta u snem 2023-2026 ha ka 7 tarik uni u bna ha yung Dorbar Hall yong ka Club.
Ha kani ka dorbar da chah jied biang ya u Deihok Sumer wow pteiñ kam u President kamjooh u Ampli Rupsi kam u General Secretary. Chooh chooh da jied ya u Omega Sumer kam u Vice President, u Maianmi Rupsi kam u Assistant Secretary, u Winelson Lyngdoh kam u Treasurer, u Letmihun Tariang kam u Finance Secretary, u Niki Lyngdoh kam u Sports Secretary, ki Auditors won u Onickson Sumer wa u Jamki Rupsi.
Da jied leh ya ki Executive Member kiwa kynthup ya u Ejoplang Suchen, u Andriew Pajat, u Sngewhame Sumer, u Minot Suchen, u Klemen Pajat, u Almighty Biam kamjooh na ki kynthai da jied ya ka Rimi Lakhi, ka Leki Biam wa ka Newmon Suchen.
Ka Rumshnong Youth Club ha kani ka dorbar da rai ko leh wow pynman ya ka lympung yalehbol kawa tip kam ka “2nd RYC Bataw Knockout Football Tournament 2023” kawa daw sdang ha u Khonchonglad (Nov), 2023.
Discussion about this post