Ka COVID- 19 Relief Fund Committee Umkiang ynne ka sngi da pynman ki ya i saam marbaam mardih deiwa e mar 10kg u khoo, u Dai 1 kg, wa i phniang baam cha kiwa dooh kiwa em hapoh ka chnong Umkiang, khlem da kheiñ ya ka niam, ka jait, nadooh u Khynriam u Pnar, u Garo wa ki baar jylla.
Ha chwa wow saam, da pynman chwa yaka yalang pynsñiawthooh paidbah (Awareness Programme) heiwa da yoh yaki sikai kammon wow bood yaki kyndon wa da booh daka sorkar, heiwa da emlang u Lasting Pala (Waheh Shnong) wa u Nicholas Lyngdoh (Secretary Chnong) kam ki Conveners yong ka COVID-19 Relief Fund Committee Umkiang kawa da seiñ haka 06-05-2020, deilang waki bru rangbah ka chnong Umkiang kam u Sailen Sing Sutnga (Ex-Headman), u Pardonwell Lyngoh (Ex-Headman), u Stanly Pala (Ex-Headman), u Datipshwa Nongrum (Ex-Secretary Chnong), u Wanris Rymbai (Executive Member), ki Rangbah Dong wa Secretary Dong yong ki 10 tylli ki dong, deilang waki Seng Samla Chnong Umkiang, VDP, Volunteers wa kiwi kiwi de ki waheh chynrang wa kynthai.
Kiwa yoh myntoi da em kamwa 430 tylli tam ki manyung nadooh ki tre chnong wa ki baar jylla. Kamtæ da e khublei kyrpang ya ki para chong chnong kiwa noh kyllooid cha ka COVID-19 Relief Fund Committee Umkiang, wei i e sñiawbha yong ki da poi ko duna arlak tyngka, nalor kiwa e sñiawbha da u khoo kawa poi hadooh 10 Quintal tam kawa da pynman ya kani ka sngi wa jop.
Ynne ka sngi da man ko kawa sah kynmoo wa khroo tam yaka chnong Umkiang, neidaw wa em ka yatylli, i ya maya wa i leh sbun hapyrdi ki para chong chnong.
Discussion about this post