Yoh yarap sa ka Dr. H. Gordon Roberts Hospital, Shillong hapoh ka MHAP

Ka Dr. H. Gordon Roberts Hospital, Shillong da man ko sa kawi ka Hospital ka wow yoh yarap Rs. 2 klur hapoh ka Meghalaya Healthcare Advancement Policy (MHAP) 2024 heiwa ya ka bhah wa nyngkong kawa Rs. 1 klur da e kti da u Montri Rangbah, u Conrad Sangma.

Kani ka MHAP da man ko ka thong krehkaam ka sorkar wow yarap ya kitu ki Hospital kiwa pynlai da ki seiñ niam kiwa da e chakri da slem bha neibynta ki bru ka Meghalaya.

ADVERTISEMENT

U Conrad da pyntip u wa ka Hospital ye ko wow jied da ka hi kammon wow pynemkaam ya kani ka poisa deiwa thied tiar thymme, u chna thymme, u pynchna yeiwa rim iwa waroh chong hei stat ki bor pynlai.

Neiliang ka Hospital da pyntip ko wa ya kani ka poisa daw pynemkaam ya ka yow chna ya ka Adult wa Pediatric ICU Complex wa thymme, i booh ya ka Solar Energy Plant, u thied ya ki tiar wa ye wow pynim ya ki bru wa kiwi de wei ini waroh dapoi ko ₹2.95 klur wei u leh yeini ha ki soo bhah iwa daw chimpor hadooh 18–24 bnai.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Da e dorkhat leh ha u Montri Rangbah yow yarap poisa yow thied ya ki tiar Lithotripsy yow sumaar ya kiwa em moo ha Kidney wa Ureteral, wow pteiñ e yarap yei chna ya ka mala wa thymme kani ka Hospital kamjooh ya ka College of Nursing. Neiliang u Conrad da ong u wa ka sorkar daw pteiñ ko wow e yarap wei u pyrkhat leh yeiwa paan thymme.