15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh yung skur thymme ka chnong Amlarem

0 Comments
Advertisement ad1
Advertisement ad1

Jowai : Ka chnong Amlarem ynnin ka 10 tarik da yoh ko u wai ya ka yung skur tymme yong ka Upper Primary School, Amlarem.

Ya ini i yung skur da chna diewa yoh yarap naka skhim SSA heiwa da pynlut T. 20,25,000 heiwa da chna soo kamra.

Ya kani ka yung skur da wan wai da u ma S. Mukhim, MLA hei emlang ka kong I. Laloo, SDO Amlarem, ma P.M. Tariang SDSEO Amlarem, Kolmen Pohshna, President Synjuk Rangbah Shnong War Jaiñtia, ki nongsikai kani ka skur ki khynnah skur kamjooh leh wa ki bei ki pa ki khynnah skur wa kiwa chong chnong ka Amlarem.

Ka kong I. Laloo SDO Amlrem hei klam yong ka da yaroh ko ya ka School Managing Committee wa ye ko u pynkreh hok ya kani ka poisa yei bha yong ka chnong. Da kyntu ko leh ya ki khynnah skur yow sumar ki ya kani ka skur neibhah i skur ma i i yung wa ar. Da pynkynmoo ko ya ki leh yow leh khooid ki ya kani ka skur.

U ma Stephanson Mukhim kam u kongsan ha kani ka sngi da pynchlur u ya ki khynnah skur wow em ki i mynsien kreh chitom yow wanrah yei burom ya ka skur kamjooh leh ya ki bei ki pa ki.

Ha kani ka sngi ki khynnah yong kani ka skur da e ki ya ki rwai wa ki chaad yow pynchongchit ya ka yalang.

amlarem-up1

amlarem-up2

Share this:
Previous

Khaddooh yawai u yoh surok ka chnong Chyrmang

Next

Chah ah radang uwi u bru