Ka Jaintia Hills Development Society (JHDS) chirup i yakrehlang wa ka Khublei Germany, ynne ka sngi da e kti ko ya ka yung wa dang dep pynchna thymme cha kawi ka manyung wa duna i yoh i laa wa em ha chnong Khliehmyntriang, East Jaiñtia Hill District.
Kani ka manyung toh yong ka Glory Dkhar wa u Hendry Siangshai kiwa em 5 ngut ki khon.
Ini i pynchna yung ka JHDS deilang ka Khublei Germany man ko chibynta i yarap sñiawbha cha ka imlang sahlang khamtam yow yarap ya kiwa duna i yoh i laa.
Ya kani ka yung thymme da e yarap da ka Agathe wa u Helmut kiwa na ka ri Germany wei da pynkreh pyntoh pyntne da ka Jaintia Hills Development Society kawa man kawi na ki seiñ krehmon sñiawbha ha Ri-loom Jaiñtia.
Ya kani ka yung thymme da kyrkhu pynkyntang da u Fr. Manbha Pakem, uwa man leh u Director ka JHDS chirup i emlang u President ka Khublei Germany, u Gerhart Albert deilang ki paralok yong oo kiwa kynthup ya ka Ulli Albert, ka Alvira wa u Godehart.
Discussion about this post