Jowai: U SP ka West Jaiñtia Hills, u Lakador Syiem ynne i janmiet da pyntip u wa ki bor pulit da yohbor ki na ka yung kasari wow tih biang ya i metyap yong u (T) Riwano Passah khnang wow leh ya ka Postmortem.
U Riwano uwa man uwa chong wa sah ha Wahnangbah, Iawmusiang, Jowai da suba wa chah dat chah bom u pyn ha kiwa hayung hasem yong oo ha i miet ka 13 tarik hadooh wa da khlaad u wei da tlep noh ya oo pyn ha ka 14 tarik i janmiet.
Neiliang ki pulit da rah ki ya ki 6 ngut kiwa ha yung u Riwano wow takit ya ki hajrong iwa da jia.
U Lakador da pyntip u wa ya i metyap yong u Riwano daw tih mynstep wei katni dang yang ya ka hukum u DC ka District wow phah sahep u wow emlang ha kani ka sngi.
Discussion about this post