15 49.0138 8.38624 1 0 4000 1 https://wyrta.com 300 0

Haka 3 tarik u Khonchonglad u wai wei wow kyrkhu yaka Joseph Nardini Seminary ha Ummulong

0 Comments
Advertisement ad1

Jowai: Daw wai wei daw kyrkhu ya ka Joseph Nardini Seminary, ka Jowai Diocese, ka persara yong ki khynnah chynrang kiwa pyrchang wow man Lyngdohñiam kawa em ha Ummulong, Parish Ummulong ha kani ka 3 tarik u Khongchonglad (Nov) 2019, heiwa ya kani ka thaw sah thaw chong ki khynnah Seminary daw wan wai da u Vincent H Pala, MP wei daw kyrkhu da ka umkhooid umkyntang ya kani ka yung da u Most. Rev. Victor Lyngdoh DD, Bishop ka jylla niam Jowai.

Ka lehñiam wai wei kyrkhu ya kani ka Seminary daw sdang ha i por 10 waje i step wei heipor 10:30 i step, ka kñia Mass Eucharist daw yah khmat da u Most Rev. Victor Lyngdoh deilang wa ki Lyngdohsohblai ki wow wan na ki 18 Parish yong ka Jowai Diocese wa na kiwi de ki Diocese kiwa marjan ka Jowai Diocese.

Ha i wai wa i kyrkhu ya kani ka Seminary, neiliang u Most Rev. Bishop Victor Lyngdoh, Bishop ka jylla ñiam Jowai, du ong u wa daw pynman ya kani ka sngi kawa phooh wa phieñ yow yaroh sñiawngooh ya i kyrkhu kyrdoh yong u Blai heiwa da ye wow chna ya kani ka yung Seminary kawa heh wei kawa miat wei ha i jooh i por leh kam wow e mynsien wei wow pynchlur ya ki khon khynroo ka Balang kiwa em ha kani ka Seminary wow sñiaw ki ya ka sur wa khut u Blai wow chakri ya oo wei ya ki para bru da khut da wer ya ki paaidkhristan yong ka jylla ñiam Jowai wa na kiwi de ki Parish yong kiwi de ki jylla ñiam wow wan chongchit cha kani ka wai wa kyrkhu ya kani ka Seminary kawa em ha Ummulong, ka Parish Ummulong.

Da ong u leh wa ha kani ka sngi ha i por chi waje i sngi daw em ka mane Sacrament (Eucharistic Adoration) neitæ daw bood saka Cultural Program da ki chaad, ki rwai tynre kiwa da pynkhreh janai bha da kiwa ya chimbynta ha kani ka Cultural Program.

Ka lehñiam u man ko ha pchem skur ka Little Flower Higher Secondary School, i pynkhreh da lai ko chakhmat wow pynman ya kani ka sngi kawa pooh wa phieñ, ong u Phadar Augustine Lamin, Rector ka Joseph Nardini Seminary Ummulong.

Advertisement ad1

0 Comments

Leave a Reply