Yohkem ya u pseiñ cobra wajrong kamwa 7 phut ha Tuber Kmaishnong

Jowai : Ynnin i step heipor kamwa 7:30 – 8 waje ka chnong Tuberkmaishnong da khryngiat ki kruit næ hadien wada poi uwi u pseiñ Cobra ha iwi i dukan daicha hapoh kani ka chnong.

Heini iwa da jia da chem nyngkong da kawi ka kynthai kawa chong ha kani ka dukan heiwa uni u pseiń da wan rieh u.

Hadien ini kani ka khynnah kynthai da kbai da awri ko heiwa da wan hiar ki bru cheini wei da pyrchang ki u kem ya oo wei da yoh u kem ya uni u pseiñ da u Juhhi Lyngdoh.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Mar ya kem ya uni u pseiñ da pyntip cha ki bor ka Wildlife Division ka Forest Department kiwa da wan cha kani ka chnong heipor 10 waje wow chim ya uni u pseiñ kiwa da kit wei pyllait ya oo cha khloo Narpuh Wildlife Sanctuary.

Ki bor dei langær jooh kyntu ki ya ki paidbah wa lada chem ki ya kiwon kiwon ki mrad khloo wow pyntip cha ka Office yow leh ki yeiwa emkaam neibynta kini ki mrad wa kam chibynta wow yada ya ka rymaw.