15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yoo maa ka Congress yei sdang mih kajai pood ha ki thaw thymme

Advertisement ad1
Advertisement ad1

Uwa e ktien ka Congress kamjooh u MLA ka Rangsakona, u Zenith M. Sangma ynne ka sngi da ong u wa i mih ki ya kajia khappood ha ki thaw wa thymme man i iwa maa.

Da kyntu u ya ka sorkar wow chimkhia ya ini i ya kajia khappood, neibhah wa katni da yoo wa ha ki thaw wa thymme kiwa ym jooh em ya kajia leh da sdang i kajia, ha ki thaw kiwa ym em jooh em wa kheiñ wa em i yaphær wei i sdang ini da man ko iwa maa bha.

Heiyatoh wow leh deiwa e kylliang yow pynbait ya i kaam khappood, u Sangma da ong u wa em boon iwa ye wow leh.

Da ong u leh wa nachwa da em boon ki yachem, ki yaklam ha ka kyrdan ki Montri Rangbah, ki Chief Secretary wa ki Deputy Commissioner ha ki snem wa da lai wei kani ka sorkar wa katni toh u booddien ko ya ini.

“Da em booh ki yaklam ki yachemlang heipor ka Congress wei em leh boon ki kaam kiwa da jia,” da ong chooh chooh u.

Heiyatoh won wa iwa daw pynman yei yaklam hapyrdi u Montri Rangabh ka Meghalaya, u Conrad Sangma wa u Montri Rangbah ka Assam u Himanta Biswa Sarma, u Zenith da ong u wa da yooluti bha ya ini hanla ym ye i wow pynbait ya ini i kaam chisyndon tangwa emkaam wow pteiñ yei yaklam hapyrdi ki arliang yow pynbiat ya ki kaam kajia pood.

“Toh u em iwa ye u lai chakhmat wei ym ye wow ong kamwa man kattæ,” da ong u.

Hawa kylli kammon u ye wow pynbait ya ini i kajia pood iwa da neh la 50 snem chwa ka 15-08-22 kamwa da thmu, u Zenith da ong u wa toh iwa ye u leh.

Tangwa da ong u wa i ya kajai pood toh iwa snai bha iwa ktah bha ya ki bru, kamtæ emkaam wow khutlang wa waroh kiwa chah ktah ha ini i kaam deilang wa waroh ki seiñ saiñhima.

Share this:
Previous

Lada pynmih District thymme ym toh wow leh chilliang, ong u MLA ka Rangsakona

Next

Ka sorkar BJP pynemkaam ko ya ka Pegasus Spyware yow lorni ya ki heh ka ri: Congress