Ka JSU – Central Body da pynsñiaw ko yei sñiawskem wow yoh Chairman noh ka MPSC da uwa na Ri-loom Jaiñtia.
Ka seiñ da ong ko wa ka thaaiñ da chakri ko chiboon hei stat i tip wei da pynmih ko chiboon ngut ki khroo hapoh ka jylla.
Da ong ko wa katkam ki parom wa da thoh namo ka Historical Record pynyoo ko wa boonsien ya kani ka chuki da ksoh da ki Khasi wa Garo.
Chooh chooh da ong ko wa da em ar sien kiwa na Ri-loom Garo wa chisien na Ri-loom Khasi kamtæ man iwa kongsan bha wa u Chairman ka Commission toh u wan u na Ri-loom Jaiñtia.
Ka JSU chirup wa ki paidbah ka Ri-loom Jaiñtia ngaitskem ki wow yoh da uwa na kani ka thaaiñ khnang wow man yohbhah wa salonsar.
Discussion about this post