15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yooluti ka MSOA waka Meghalaya Games daw e mynsien thymme ko ya kiwa yalehke ka jylla

0 Comments
Advertisement ad1
Advertisement ad1
Advertisement ad1

Shillong: Ki khynroo khyllood ka Meghalaya daw yoh mynisen thymme ki wow yalehke Sports deiwa pynman biang yaka Meghalaya Games, ka wow sdang ha kani ka 17 tarik, da sñiaw u Meghalaya State Olympic Association (MSOA) Working President u John F Kharshiing. 

U Kharshiing hawa klam u wa kiwa thoh khubor ynne ka sngi ha yung krehkaam ka MSOA, da emlang leh u MSOA General Secretary u Chiranjib Choudhury wa ki Vice-President, u Bor Diengdoh wa u Ian Lyngdoh. 

Waroh 1,795 ngut kiwa yalehke deilang wa ki Officials da yooluti wow chimbynta ki. Na waroh kiwa yalehke kiwa em 1,500 ngut, 948 ngut toh ki chynrang wa 565 ngut ki kynthai. 

“Kani man ko kawi na kiwa heh dooh ki lympung yalehke Sport hapoh ka ha Meghalaya ha kini ki snem wa da lai,” da ong u Kharshiing. “E khublei i yaka sorkar Meghalaya kawa kyrchaan ya i wow pynman yaka wei ki khynroo khyllod ka jylla leh daw yoh mynsien thymme ki. Kani man ko wow pynwan dur ya ki khynroo khyllood wei lada yoh bait kam kani ka kyrchaan naka sorkar, daw ye u pynmih ya ki khloor yalehke ki wow ye u chimbyta haka 2028 Olympic Games.”

Ka Meghalaya Games man ko leh kawa emkaam heiyatoh waka National Games 2022, ka wow pynman hapoh ka jylla. Man ko leh kam wow pynkhreh yaka MSOA kamjooh ya kiwa yalehke ka jylla. 

“Ha kani ka kynti em i 14 tylli ki jait yakob na ki 10 tylli wa da pynman haka Meghalaya Games wa khaddooh, pynchlur O ya kiwa yalehke wow chimkabu ki ya ini wei wow booh thong kiwa rap chaneiñ.” Da ong u Kharshiing.

Share this:
Previous

Wai ka chnat pulit ya ka Iew Mawroh Anti Infiltration Check Gate ha Ri-Bhoi

Next

E yarap ka NABARD wa ka Dalmia da ka yaw ya ki paidbah ha Chiehruphi