theme-sticky-logo-alt
theme-logo-alt

Yooluti u Renikton wow ye u pyndep ya 60% i kreh ka JJM wa dang sah ha uni u snem

U Montri wa pait ya ka chnat Public Works Engineering (PHE), u Renikton L Tongkhar da ong u wa ha uni u snem ka mang tangka 2022-23 dang boon bha ki pynkreh ya ka Scheme Jal Jeevan Mission (JJM), heiwa da khana u wa ha u snem mang tangka uwa da dep dang ye wow pyndep du kamwa 2,30,000 tylli ki manyung na ki 5,89,888 tylli ki manyung ha ka jylla.

Da ong u wa i kaam toh iwa dang boon wei hawa pyrkhat da man ko kawa eh wow pynman kaam lane wow pyndep, tangwa da ong u wa em i ngait wa deiwa kreh chitom daw ye wow pyndep lut hapoh yong uni u snem. Da pyntip u wa na ki 6 lak duna ki manyung kamwa 5,32,000 dadep wow pynkhreh ya ka Detail Project Report.

Da ong u leh wa wa waroh ar tylli ki sorkar, ka sorkar pyrdi waka sorkar jylla da chimkhia ki wow pynsmat ya ini i kaam.

Hawa kylli da ong u wa kamwa man katni kamwa 40% i kaam dadep wei katni rap smat wow pyndep ya ka 60% hapoh uni u snem.

Hawa yatoh wa ki Pipe um, u Montri da pdiang u wa em i duna ki Pipe um neibhah ya ka JJM da pynkrehkaam ha waroh kawi ka ri India, tangwa katni da chah leh wow pynkrehkaam ya u Pipe HDPE Pipe uwa tip leh kam u Pipe Plastic.

Share this:
Previous

Ym em yumut de wow yakhih katni neibhah da soi sorkular pynbait pood deiwa ap yeiwa kwah ki paidbah: Renikton

Next

10 ngut ki nong Bangladesh yoh kem ka KSU Jowai Circle ha Thadlaskeiñ