Yow pait yei long i man ka wah Myntdu thung ka NGT da ka Joint Committee

Ka mukotduma heiyatoh wa i chna ya u sarok da ka PWD hadooh wa chah ktah ka wah Myntdu, da chong bichaar biang ka da ka National Green Tribunal (NGT ha ka 4 tarik uni u bnai heiwa da wan leh dei bru wa u Chief Engineer ka PWD (NH), Meghalaya uwa da khana wa yei ktieh i khyndaw da leh yeiwa emkaam yow khat ki.

Heiyatoh wa i jubab u Chief Engineer, da phah leh ya ka PWD wow khana ko deiwa bniah iyi de wa da leh ko, wei yei jubab hap wow pynpoi hapoh le tayaaw.

Ka NGT da phah ko leh wow sdang da ka Joint Committee yow lai pyntikna wa da leh sakhiat yeiwa da ong wow pynkhooid wei yada ya ka wah.

Kani ka Joint Committee to u em ko kiwa mihkhmat na ka Ministry of Jal Shakti ka sorkar India, u Chief Secretary ka sorkar Meghalaya, kiwa mihkhmat u Member Secretary ka Meghalaya State Pollution Control Board, deilang kiwa mihkhmat ka Water Resources Department, Public Works Department wa ka Jowai Municipal Board wei kini hap ki wow lai cha ki thaw wa da mihpyrtuid ha kani ka mukotduma yow pait yei long i man wei wow e buit ki kammon wa toh u leh deiwa thoh da ka Report wa bniah wow khana iyi wa da leh wei iyi wa toh u leh deiwa booh dei por kamjooh iyi wa da leh deiwa bood katkam ki kyndon aiñ da ka PWD kamjooh kiwa pynchna ya u sarok.

Related posts

Khut ka Elite Private Security Agency kawa em ha Jowai cha ka Training man Security Guard

July 2, 2026

Kyntu ka Seiñraij Jowai yei krehlang yong waroh wow man ka Behdieñkhlam wa lai bait | Da khut ya u Himanta

July 2, 2026

U Member Secretary ka Meghalaya State Pollution Control Board u man u kam ka Nodal Agency wow pynbait yeini wei ka wow pyntikna wa da bood yeiwa da phah leh.

Ka Report toh u e hapoh chi bnai.