Jowai: Ka seiñ Hynñiewtrep A’chik National Movement (HANM) ynne ka 22 tarik da pynman ko ya ka yakop chaad tynre ha Yungwalieh ka Tpep Pale heiwa da wan ya chimbynta da ki 7 tylli ki dhab wa kynthup yaka chnong Loomiongkjam, ka Wahlurut Nartiang, ka R.K Mission L.P School Nartiang, ka Seiñ Tyllilang Niamtre Ladthadlaboh, Dulong, Chilliangraij waka Pamra Kmai.
U General secretary ka Seiñ u Damon Dkhar da khana u wa i pynman ya kani ka yakop Chaad Tynre toh chi bynta u pynchlur ya ki khynroo khyllod u mih u pynyoo ki yei sap yong ki ha rynsan, heijooh i por leh man ko chibynta u pynneh pynsah ya ki riti dustur.
Ya kani ka chaad da wan u bichaar da 3 ngut ki wa kynthup u Oriland Shylla, u Petros Rymbai wa u Moni Rymbai.
Ha kani ka yakop chaad yei naam jop da rah daka Seiñ Tyllilang Niamtre Ladthadlaboh kawa da yoh ya ka song poisa wa T. 5,000, wa ar da yoh da ka Dulong wa ka song poisa wa T. 4,000 katwa yei naam wa le da rah da ka Chilliang Raij chirup wa ka poisa wa T. 3,000.
Discussion about this post