Kam chibynta ka IEC Campaign hapoh ka Raising and Accelerating MSME Performance (RAMP), neiliang ka District Commerce & Industries Centre (DCIC), West Jaiñtia Hills ynne ka sngi da pynman ko ya ka Mobile Awareness Road Show hapoh ka RAMP Programme yong ka chnat Commerce and Industries ka sorkar Meghalaya.
I thmu yong kani ka Road Show toh yow pynsñiawthooh wei e wyrta cha kiwa khayi, kiwa em khih em khan nadooh ki kaam wa khian wa kiwa rap heh, kiwa pynmih mar, kiwa chna tiar wa kiwi kiwi hajrong ki laad e kyrchaan waphær waphær ka sorkar ya ki MSME, kiwa kynthup kam ka Udyam Registration, IEC, MeghaRise wa kiwi kiwi ki de.
Chibynta ini i lai pynsñiawthooh, da pynemkaam da kawi ka kari kawa em wa ka LED Display heiwa ki paidbah kiwa khayi ye ki u yoo ya ki dur, ki Video wa i klam batai pynche hajrong kani ka Scheme kamjooh leh i khana na ki paidbah wa da yoh myntoi.
Ha kani ka sngi da saam leh ki kot lakdop wa e yutip cha ki paidbah, wei da yarap leh ya ki u pynsuk wow leh ya ka Udyam Registration wa IEC.
Ya kani ka Road Show da pynhær lama da u B. Warjri, General Manager DCIC, Jowai na Iawmusiang.
Kani ka kari da lai yieñ ko ha Iawmusiang, ha madan Jrisaleiñ wa ha madan Mihmyntdu neibynta u pynche paidbah wei wow yachem yaklam wa ki paidbah.
Hajrong ini i lai pynsñiawthooh, ki sahep wa kiwi kiwa kreh da pynche ki hajrong i thmu wa kongsan yong ka RAMP wei da batai ki leh ya ki laad kyrchan waphær waphær kiwa neibynta ki Micro, Small and Medium Enterprise wa tip kam ki MSME.
Da pynchlur haroh ki ya kiwa kwah wow yoh myntoi u wan ki chakhmat wei wow chim kabu ya kini ki e yarap yong ka sorkar.
Kiwa emlang ha kani ka sngi kynthup ki ya u B. Warjri, General Manager, DCIC, u E. Pyrbot, Functional Manager, u D. Sunn, Assistant Director Cottage Industries, ka C. Goswami, SPIU (Consultant), u S. Pale, Industrial Promotion Officer wa kiwi.
Discussion about this post