Yow yoh mynkna 40 tylli ki Medical Seat paan ka USTM Rs. 235 klur naka sorkar Meghalaya

Ka University of Science and Technology Meghalaya (USTM) wa em ha Ri-Bhoi District da ong ko yaka sorkar wow pynsmat u pynlait yaka poisa yarap yow pynskem ya 40 tylli ki Medical Seat wa da booh mynkna neibynta ka Meghalaya haka PA Sangma International Medical College and Hospital yow lait ko u dooh ya kani ka kabu ksiar.

“I da kyrpaad i yaka sorkar Meghalaya wow e ka poisa yarap ya i neibhah da emkaam wow sdang noh yei e sikai neibynta ka thup wa nyngkong kiwa lai puræ wei yow lait leh u chim ram manda sdang kiwa lai puræ u su,” da ong u Founder-Chairman ka USTM, u Mahbubul Hoque ynnin ka sngi.

Da ong u wa kani ka skurbah toh kawa em i yajan bha waka sorkar, “Yow sdang yaka MBBS Course haka Private College toh kawa sy’at bha wei ka bai puræ toh kawa sdang nadooh Rs. 70 lak tangwa deiwa kyrchaan ka sorkar daw pyntikna wa kiwa lai puræ MBBS na Meghalaya ym dooh ki yei hok ki.”

Da ong u wa i e mynkna wow lai puræ MBBS toh iwa daw eh u leh hadien wa sdang ka Medical College, wei ka poisa wa ye u pynmih na kiwa lai puræ daw uiñ biang ko cha ka sorkar ha ki 20 snem.

Related posts

Duna i lut ki warep deiwa ye u phah ya u soh khontara na Guwahati cha Dubai

November 24, 2024

Sdang i phah pyntipmit ya kiwa chongwai ha ki 16 tylli ki dong ka Shillong

November 24, 2024

U Hoque da ong u wa da dep phah yei paan wa Rs 235 klur cha ka sorkar yow e kylliang 40 tylli ki Medical Seat wei katkam wa kheiñ, kani ka College daw ye ko wow pynmih ya kani ka poisa hapoh san snem.

Da ong u leh wa ka sorkar da dep ko wow ong dei ktien wow e yarap, wei kamwa man kattæ da dep chna chiteiñ wei ka Hospital toh kawa da krehkaam wei daw em 350 tylli ki thaw thiah kat u kut uni u snem.

Chooh chooh da ong u wa dadep ka College wow leh ya iwa emkaam waka National Medical Council yow sdang noh yaka First Batch kiwa lai puræ MBBS wei ka sorkar Meghalaya da e kyrchaan ko deiwa e NOC wa kiwi de ki e bor.

U Hoque da khana u wa kani ka Super Speciality Hospital hadien wa pyndep lut u chna waroh daw em ko 1,100 tylli ki thaw thiah wa kynthup ya 600 tylli ki thaw thiah wa man kam ki General Beds.

Da khana u leh wa da em boon ki Doctor wa bna naam kiwa da psiah wei 160 ngut na ki toh kiwa na ki Medical College wa Hospital kiwa na Assam, Meghalaya wa na kiwi ki jylla.

Da ong u leh wa da dep yaklam wa ki Doctor kiwa na Apollo, Hyderabad wa kiwi de ki Hospital wei da dep chim ram na Bank hadooh Rs. 204 klur yow pynchna ya kani ka thaw wei dang yang sa i kyrchaan ka sorkar jylla yow pynsmat yei kreh.

U Hoque da khana u wa ki bru naka National Medical Council daw wow wan pait sylli ki yaka College chwa u kut uni u bnai yow ye u sdang yei e sikai nadooh u Naikhynde.