Yut chnong ki Dkhar wa em ha Erpakon deiwa khang leh ya ki dukan ki

Ki Dkhar wa chong wa sah wei kiwa kreh ha ka chnong Erpakon wa em ha Ri-Bhoi District da ya yut chnong ki hadien wa ka dorbar chnong da rai ko wow beh chnong ki.

Ini i rai ka dorbar chnong toh hadien wa chah pynyap uwa chong chnong ka Erpakon uwa tip kam u Kyrmen Lyngdoh Nonglait (38 snem) haka 11 tarik uni u bnai hei kti yong uwi u Dkhar uwa kreh ha RN Sharma Hotel.

Ha ka dorbar wa da pynman ynnin ka sngi da rai wow e por chi bnai ya ki Dkhar wow yut chnong ki tangwa ki Dkhar da yut chwa ki deiwa khang yei yung wa sah ki kamjooh ki dukan.

Ka dorbar da phah ko leh ya waroh ki dukan, ki thaw baam wow thung kreh ki du da ki tre chong donhi.

Hei jia haka 11 tarik da em i yania hapyrdi ki ar ngut kiwa da ya muiad hadooh wa poi chei yachoh heiwa u Dkhar da dat u ya u Kyrmen da ka pyrthap na khlieh hadooh wa yap hadien wa kit ya oo cha Hospital heiwa ki pulit da kem ki ya uni u Dkhar pyn ha ka sngi wa bood.

Ka dorbar chnong da chim ko leh yei rai wym e NOC de ya ki Dkhar kiwa thmu wow seiñ khih hapoh ka chnong neini chakhmat.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026