15 49.0138 8.38624 1 1 4000 1 http://wyrta.com 300 0

Dawa ka SBYWA wow pynkhooid ya u sarok RBBJ Road nei oor i khyndaw

0 Comments
Advertisement ad1

Khliehriat: Ka seiñ Southern Border Youth Welfare Association (SBYWA), Elaka Lakadong wa Rymbai da chem ko wa boon ki thaw ha tymbud u sarok Rymbai-Bataw-Borghat Jelaupur (RBBJ Road) heiwa da joor i oor i khyndaw khamtam nadooh na wah chnong ka Umsatai wa ka Pynurkba wa kiwi ki chnong hapoh ka thaaiñ.

Ini i oor khyndaw toh neidaw i joor u slap ha kini ki sngi wa dadep heiwa wot kawi ka kynroh kawa dang dep chna wot leh da oor ko hajan ka chnong Lad-Wahwapung iwa neiliang ka seiñ ong ko boi jia i neidaw wa kreh habra u Contractor yeiwa dadep chna dang ini wadep wot.

Advertisement ad1

Nei oor ini i khyndaw neiliang ka seiñ da dawa ko na ka chnat PWD(Road) Khliehriat wow phah ya ki pooh-chi-loom wow pynkhooid biang ya uni u sarok wei wow chna biang ya i kynroh ha i bynta ka chnong Ladwahwapung.

Chooh chooh neiliang ka seiñ da kyntu ko leh ya ki ar ngut ki MLA ka District wow chimkhia ya ini i kaam neibynta i bha i miat ki paidbah ka thaaiñ.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply