15 49.0138 8.38624 1 1 4000 1 http://wyrta.com 300 0
Advertisement ad1
Advertisement ad1

Phooh pheiñ ka yachemlang ki khon ki ksu ka Ïawchibidi ha Jowai

0 Comments
Advertisement ad1

Jowai: Ka Seiñkur Ïawchibidi toh kawi na ki Seiñkur ha chnong Jowai kawa darim heiwa ki waheh wasian nachwa dei pyrkhat wei yoojngai yei kaam yonglang hapyrdi ki khon ka kur khamtam hei wow pynneh pynsah, pynmiat pynjanai ya ki thaw niam thaw kyntang wei man kyrpang ka jaitbru da chim ki wow sain ya kani ka Seiñkur.

Ha kani ka tayaw yong ka sngi Hat 5 tarik Naichiphaw katwon yoosuk u pait ki khon ka Kur Ïawchibidi na Jowai, Shillong wa na War da ka luti yong i sñiaw yaman iwi kam ki khon ka Seiñjait Ïawchibidi kiwa dang bood dang ksoh yei sikai ki warim dawan ki wow ya embyntalang ha Yungwalieh ka dong Loomkyrwiang.

Advertisement ad1

Ya kani ka prokram ha kani ka sngi da pynlai da ka Wompher Laloo heiwa u Pator Raymond Nartiang da kdar luti u dei ngoohblai ngoohsyiem pynbood won i klam pdiang burom wa ki kyntien yahkhmat hajrong ka thong yong kani ka sngi Yachemlang na u Tympang Laloo, President Ka Seiñkur Ïawchibidi Jowai katwa kiwi tawan ki waheh ka kur kiwa da e yai klam i kappe, i kyrsu kyntu ya ki khon ka kur ha kani ka sngi toh u Rishot Pyrbot na Shillong, u waheh Embot Pyrbot, Ex-President Kur Ïawchibidi, u Lammat-O, Ex-General Secretary wa kamjooh ki kyntien kyrpang chaphang i parom ka Ïawchibidi na u waheh K. Firstborn Laloo, Vice- President ka Kur Ïawchibidi Jowai wa ki kyntien khublei won na u Khynroo Dauru Laloo, General Secretary Kur Ïawchibidi Jowai.

Chooh chooh ha kani ka sngi nalor i klam i khanna yong ki waheh wasian na Jowai wa na Shillong da yoh leh u ap u sñiaw ya ki kyntien na ki waheh wasian ka Kur kiwa na War kiwa kynthup yow Hat Pohchen na Nongtalang wa u Juwan Lamin na Lamin neiliang kini ki waheh hei klam yong ki da ong ki heiyatoh wei parom ka Ïawchibidi dang emkaam wow em i yachemlang wa kyrpang khnang yow yoh yei wabiang wei wa sakhiat wei da ong chooh chooh ki leh ki hi ha War lyngba ki waheh wasian ka kur kiwa em i tip chaphang ka Ïawchbidi da pynlum pynlang ki wow booh ha ka puran puthi khnang wa ka pateiñ hadien u lait ko nei chah yalam bakla hei thoh yong kiwi.

Kam wa ka thong yong kani ka Yachemlang toh wow wanrah yei yatipmit wei yajooh yajan wei wow pynkhroo yei nam i pyrdtuid ka Seinjait Ïawchibidi ha khmat ka pyrthai, ha kani ka sngi damih leh i sur na waroh ki waheh wasian wa e yei klam i kappe iwa ong kam ki pateiñ ka Ïawchibidi toh u yaleh i kammon u pynpsiah ha ki pateiñ kani ka juk khamtam ha ki khon khynroo khyllood yow lait ki nei lai bakla ha ka chongkha chongman chikur chijait neibhah katni em ki kur kiwa hei tip yong ki ym em u toh ki khon ki ksu ka Ïawchibidi tangwa yakam kur ki wa i ki khon ka Ïawchibidi kamtæ emkaam u thooh tre yeini khnang yow chem yei sakhiat wei iwa kyrpang chooh chooh kam ki waheh wasian ong ki wa datoh i por wow thoh kyrpang deiwi i kyntien khnang yow tip u pynchongnia chong yurim wa kini toh ki khon ki ksu ka Ïawchibidi.

Ya kani ka sngi yachemlang yong uni u snem da pynkyrpang leh dei wa em i pynkup burom yow woh Shaimon Pyrbot uwi na ki khon ka kur uwa da kynjooh yei rta Blai wa 103 snem neitæ da em won leh i pynlait paidbah yei pyrtuid ki Kur wa man ki khon ki ksu ka Ïawchibidi heiwa ya kani ka bynta da pyndep da u waheh Embot Pyrbot, Ex-President Kur Ïawchibidi Jowai.

Ha kani ka yachemlang nalor i klam i kappe yong ki waheh wasian da pynchongchit wei pynwyrngia ya ki khon ka kur da ki chaad wa ki rwai wada chimbynta da ki khon ka kur nadooh ki khian, ki khynroo khyllood wa ki manbei.

Photos by Soolangki Laloo

Advertisement ad1

0 Comments

Leave a Reply