Yakreh yonglang ka Seiñ Kur Dkhar wow kynmoo ya kawa seiñ ya ka chnong Raliang

Jowai: Ki khon a Seiñ Kur Dkhar Raliang ynne ka sngi da mih paidbah ki u kreh yonglang hei wow pynyieñ pynkhai u pynmiat pynbha ya u Mooyabi wa chong-ngiah chong thkan ka Beimen ka Myngkti Dkhar ha Khliehraliang, heiwa ha uni u Moo Chong-ngiah ko chipor em u chwa wow poi ko ha Raliang wow seiñ ya kani ka chnong.

Kamjooh da pynmiat pynbha ya ki Tok Blai Tok Syiem u Blai Dieñ u Pator Raliang dei wa kær wa da ya ki.

Ka Chnong Raliang kamwa da seiñ ka Beimen Myngkti ya ka, hadooh katni da heh da kmai da phooh da phieñ bha ko wei da boon ki bru kiwa stat wa tip ki yung ki sem kiwa mih na kani ka chnong.

Katwa kamtæ ka Kur Dkhar dap ko dei mynsien wa kmen ha kani ka sngi wa da ye ko u pyndep chna ya ini i thaw wa em ka yutang yubat i thaw wa em ka yurim kiwa seiñ ya ka chnong ka thaw wa ka chnong Raliang.

Share this...

Facebook

Twitter

Reddit

Tumblr

StumbleUpon

Pinterest

Print

Advertisement