15 49.0138 8.38624 1 1 4000 1 https://wyrta.com 300 0

Chimbynta ki Scouts & Guides wow pynman ya ka Election MP kawa lai bait ha WJH

0 Comments

Jowai: Ka Scouts & Guides Movement toh kawi na ki seiñ kreh mon sñiawbha wa em ha chityllup ki ri wa ka pyrthai heiwa ka thong krehkaam yong ka toh wow yarap ya ki para bru wei wow leh ya iwon iwon i kaam wa bha neibynta ka imlang sahlang yong kiwa chong chnong khlem da wanrah i sñiaw yaphær niam wei yaphær jaitbru.

Katwon man ka khubor wa sñiawsuk wa hajrong ka thong wow lai bait lai ryntih ki kaam heiyatoh wa ka General Election yong ka Ri India (Lok Sabha) kawa da man ha ka sngi Thymblieñ 11 u Naitung 2019 hapoh ka jylla, ki khynnah Scouts & Guides deilang wa ki Scouts Master-Guides Captain yong ka West Jaiñtia Hills District ha man ki Unit waphær waphær da mih yachimbynta ki wow pyndep yei kaamram katkam wa da e na ka yung krehkaam u District Election Officer ka West Jaiñtia Hills District.

Ki Scouts & Guides deilang wa ki Scouts Master-Guides Captain nadooh u Naichiphaw 2018 da yooh kjat ki ha man ki chnong ki thaw, ki yaaw ki haat wow klam pynche pynsñiawthooh næ e wyrta chula hapyrdi kiwa chong chnong chaphang ka SVEEP (Systematic Voters Education Election Programme), ka kor EVM, ka kor VVPAT (Voters Verifiable Paper Audit Trail) heiwa hajrong kini ki programme da pynman ki yei leh da ki drama sarok (Street Play) heiwa u yoh ki paidbah u yoo da ki khmat ya kiyi kiyi ki bynta kiwa toh u leh kam ki bru kiwa da em ka hok wow jied ya kiwa mihkhmat. 

Chooh chooh leh da sakhi wa ha ka sngi thap Vote ki Scouts & Guides deilang ki Scouts Master-Guides Captain ha man ki Polling Station boonkam ki hei wow yarap ya ki bru wa em i duna tymbuiñ hei man rynyieñ rynyot wei yarap leh ya ki bru kiwa da em hei rta wym chkeh de i kaap i lai wa kiwi kiwi ki man chibynta i lai bait lai ryntih ki kaam ka Election ha man ki Polling Station. 

Ki Scouts & Guides deilang wa ki Scouts Master-Guides Captain kiwa da yachimbynta hei wow pynlai bait lai ryntih ya ki kaam ha man ki Polling Station yong ki san tylli ki Legislative Constituency wa em ha West Jaiñtia Hills District em ki hadooh 411 ngut iwa man 43 ngut ha 1-Nartiang Constituency, 167 ngut ha 2-Jowai Constituency, 64 ngut ha 3-Raliang Constituency, 53 ngut ha 3- Mowkaiaw Constituency wa 84 ngut ha 7-Amlarem Constituency.

Advertisement ad1

0 Comments

Leave a Reply