I lehkmen wa chi snem yei dap 30 snem ka Riwar Jaintia Church of God Higher Secondary School, Ladjaplem, dapoi noh ko cha wakut ynnin ka sngi deiwa sakhi u Montri ka chnat Puræ Puthi, u Lahkmen Rymbui kam u kongsan heiwa da pynbna u leh wow e yarap ₹15 lak yow chna chooh chooh ki kamra (Classroom) ka skur.
U Lahkmen da ong u wa i yarap ya ki khynnah skur man ko i kaamram yong waroh nadooh ka yung ka sem, ka imlang sahlang, kiwa sikai wei oo leh kam wow kyrchaan da e yarap u kani ka ₹15 lak yow chna chooh ki kamra skur.
Kani ka skur toh kawa da sdang ha u snem 1996 da ki ar ngut kiwa sikai deiwa em 17 ngut ki khynnah deiwa ya krehlang wa u Pastor K.H. Mukhim.
Katni kani ka skur da man ko kam ka Higher Secondary deiwa em 601 ngut ki khynnah wa 22 ngut kiwa sikai.
Neiliang ki khynnah skur da e ki da ki rwai, ki chaad tynre hadooh ki yong Manipuri, ki yalehke Fancy Dress wa kiwi de.
Discussion about this post