• About Us
  • Contact Us
  • Privacy Policy
  • Advertise With Us
  • Terms & Conditions
Sunday, November 22, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

10 snem dang chim por u yoh kot Land Holding wa Pata | Chem chitom kiwa rep ha Mukroh Lapangap

Wyrta Staff by Wyrta Staff
November 22, 2026
Reading Time: 5 mins read
A A
0
Share on FacebookShare on Twitter

U Daeimi Liam, u MDC ka Liang Pyrchah na Shilliang Myntang Constituency ha ka20 tarik hawa wanrah ya ka phang yatai hajrong i eh wa ki paidbah maad ki heiyatoh wa i slem u yoh ya ki kot Land Holding Certificate wa Pata na ka JHADC, kamjooh leh i eh yong ki paidbah warep ka chnong Mukroh Lapangap ha ki bynta khappood wa ka Assam, da kyntu u ya ka Council wow thooh ko ki laad ki luti kammon u pynsmat yei kaam yow yoh smat ki paidbah ya ki kot ki sla wei wow e bor e mynsien ya kiwa rep wa chah thombor ki thaw rep ha ki Karbi wot hawa da biang ki ya ki kot ki sla mantre ya ki thaw rep.

U Daeimi Liam ong u wa katkam ki ujor wa poi cha oo em kiwa da booh Application nadooh u 2015 wei dang ha uni u snem 2026 yoh kot ki na ka Council wow lai Survey.

Ong u ki paidbah maad bha ki yei eh nei chim kabu ki waheh chnong wa ki Dolloi hei wow soi ya ki kot ki sla yakeh Land Holding Certificate wa Pata yong ki deiwa chim poisa hei dor wa syad, wei em leh ki waheh chnong wa chim da ka Percentage hawa soi yow e mynjur.

Ym du itæ wot ki Land Recorder leh hawa lai Survey ya ki thaw leh hap e poisa bai kari.

Ong u wa neibynta kitu wa em ujor da sñiawthooh hi, tangwa wot ki wym em ujor yei ki thaw yong ki leh dang slem.

Kiwa e kyrchaan ya kani ka mat kynthup ya u Nehemaia Lamare, u Jamshaphrang Pohtam wa u Rikut Parieñ.

U CEM, u Thombor Shiwat hawa pynche ong u kani ka phang ymtoh de kawa dang thymme wei ka Council katwa ye da pyrchang ko u pynsmat yei kaam. Heiyatoh wa i su cha u Dolloi hawa soi ya ki kot ki sla, da ong ym ye u wow chim palat ya ka Rs. 500 wei ya kiwa chim tam toh u wan ujor cha ka Council.

Related posts

Da pynthymme ya kiwa kitkaam ka Dorbar Chnong Pamra Paithlu

November 22, 2026

Chna ya ki aiñ yow kdoh yei dai i thied thaw wei i kwah man Indigenous Tribe kiwi ki jaitbru ha Jaintia Hills

November 22, 2026

Kyntu u leh wow wan ujor lada em ki Land Recorder wa paan poisa na ki paidbah hawa lai pyndep ki yei kaam.

Neitæ heiyatoh kiwi won ki rukom leh kyllaiñ kiwa kreh ka Council ya ki paidbah heiyatoh wa ki kot ki sla, u CEM khana u wa oo hi ym jooh ksoh u ya kiwon kiwon ki File ha kamra krehkaam u.

Heiyatoh wa ki kot Pata, u Daeimi Liam da paan pynche u na u CEM wa hadooh katwon i jngai krehkaam ko, u CEM da jubab u 7 meter na mihsngi wei 5 meter na ki le liang.

Hajrong ini pynsñiaw u wa ki paidbah Mukroh Lapangap kiwa biang ya ki kot ki sla na ka JHADC leh dang chah pynsangeh rep kba, wei pyn harood ki hali yong ki da wan rep wan thung dieñ ki Karbi kiwa pynemkam da ki kor ki bor hadooh wa chah ktah ki thaw rep.

Hajrong ini u CEM ong u kamwa kani ka thaw dang haap ko hapyrdi i yakhajia pood wa ka Assam wei u pood u ang haap ko hei pait ka sorkar jylla katwa neibynta iwon iwon i wit hapoh u pood ka hali kba wa dang krehkaam ki kot ki sla toh u klam næ phah kyrriah ya ki 7 meter na mihsngi wa 5 meter na ki le liang.

ShareTweetSendShare
Previous Post

Da pynthymme ya kiwa kitkaam ka Dorbar Chnong Pamra Paithlu

Related Posts

News

Da pynthymme ya kiwa kitkaam ka Dorbar Chnong Pamra Paithlu

November 22, 2026
News

Chna ya ki aiñ yow kdoh yei dai i thied thaw wei i kwah man Indigenous Tribe kiwi ki jaitbru ha Jaintia Hills

November 22, 2026
News

Sangeh u Swae Lee u rwai hadien wa chah kynjrait dei Beer ha ka Cherry Blossom Festival

November 22, 2026
News

Hajrong tympha rah u Yogi yei metyap ka bei u hawa lai pyndep ya ka niam

November 21, 2026

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar