theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

10 snem phah kset ka yung bichaar ya uwa slaitbor khynnah wa chi rta ya uwa tynyap bru

Advertisement ad1

Ka yung bichaar ka West Jaiñtia Hills District da pynmih ko ya ka hukum ha 27-10-21 yow phah kset patok ya u Sujit Deb Nath hapoh ka kyndon Section 6 ka aiñ POCSO deiwa phah kset patok oo 10 snem wa 7 snem hapoh ka kyndon 376 ka IPC deiwa khor bha (Rigorous Imprisonment) deilang waka kuna wa mar T. 20,000 hapoh kini ki ar kyndon.

Ya ka 7 snem waka 10 snem u pynlut u ki hapoh patok heijooh i por.

Ini toh hajrong ka FIR wa da e ha ka 05-08-13 da kawi hakhmat ka Umkiang Police Patrol Post deiwa pynbaad ya u Sujit Deb Nath wa slaitbor u ya kawi ka khynnah.

Ha ka FIR da ong wa ha ka 04-07-13 kawi ka khynnah kawa em dang 13 snem i rta kawa ri da kawi ka bru ha iwi i chnong ha West Jaiñtia Hills da yut ko nei yung yong ka cha i yung kawa lai ujor FIR.

Hadien wa thmu wow li booh biang ya kani ka khynnah cha i yung ko, kani ka khynnah ym bein ko deiwa ong wa u kurim ka bru wa ri ya ka daw dat u ka wei hadien wa kylli bniah da khana kani ka khynnah wa u kurim ka bru wa ri ya ka da slaitbor u ka wei da maham u ka wym toh u khana ko cha kiwon kiwon. Kamtæ ya ka takit da leh da ka Jowai Police Station.

Ha kawi won ka hukum kawa da pynmih ha ka 05-11-2021, ka yung bichaar da phah kset ko chi rta ya u Edwin Sungoh deilang waka kuna wa T. 50,000 hapoh ka kyndon 302 ka IPC.

Ini toh hajrong iwa jia ha ka 14-05-92 heiwa arngut ki bru kitæ u Lur uwa tip leh kam u Lo Rabon waka Lakma kawa tip leh kam ka Kma Sungoh kiwa da chah tynyap hapoh i yung yong ki hi wa em ha Khliehrangnah Lum Moochai deiwa chah pam da ka wait ha u Edwin Sungoh heiwa yei metyap da ieh pyn hapoh ini hi i yung.

Share this:
Previous

Psiah Quarter Final ka Ratacherra, Umkiang SA waka Donaskur ha ka ‘Elaka Narpuh Football Tournament Champions 2021

Next

Thoh ki seiñbhalang cha u Kyrmen Shylla yow dawa pynsangeh yei kyrriah ya u DC ka East Jaiñtia