10 snem phah kset ya uwa na Mukroh uwa slaitbor ya kawi ka kynthai

Ha ka 10 tarik uni u bnai, ka yung bichaar u N.A. Khan, District & Sessions Judge, Jowai da rai pynrem ko u ya u Wanbha Bhoi uwa na chnong Mukroh hapoh ka kyndon 376(1)/506 ka IPC yeiwa slaitbor u ya kawi ka kynthai deilang i maham pynyap ka.

Ya ka FIR heiyatoh wa ini wa jia da e ha ka 08-10-2018 ha u Officer In-Charge ka Nartiang Police Station heiwa da ong wa heipor pyrdi synyaaw ka 07-10-2018, u Wanbha Bhoi da slaitbor u ka kynthai ha yung wa sah ko wei hadien wa leh u yeini da maham u wow pynyap ka lada khana bru ko yeiwa jia.

Yei takit yeini wa jia da leh da ka WPSI I. Kharpran.

Related posts

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

5 snem phah kset ya uwa dung bru hadooh wa yap iwa da jia nadooh u snem 1998

March 13, 2026

Ka yung bichaar hawa pynbna yei pynchitom ya u Wanbha Bhoi, da phah kset ya oo 10 snem deiwa khor bha deilang ka kuna wa Rs. 5000 hapoh ka Section 376(1) ka IPC wei hapoh ka Section 506 ka IPC da psah kset oo ar snem deilang ka kuna wa Rs. 1000.

Yei por wa phah kset oo u kheiñlang heijooh i por iwa mut u chah kset u 10 snem.