U MLA ka North Shillong, u Adelbert Nongrum ynne da wanrah u ya ka Zero Hour Notice hapoh ka yung dorbar yow kylli yei em ki karkhana pynmih khyndaw bilat namo ki Cement deilang wa ki Coke Oven Plant hapoh ka jylla kamjooh i thaw wa pynemkaam ki wow booh ya ka karkhana ki wei hei pyrtuid yong kiyi da leh ki yeini.
U Sniawbhalang Dhar uwa man leh kam u Montri ka chnat Commerce & Industries hawa e yei jubab da pyntip uwa em 11 tylli ki Cement Plant wa dang krehkaam kattæ heiwa 10 tylli toh kiwa em ha East Jaiñtia Hills wa kawi ha Umiam, Ri-Bhoi.
Ki Cement Plant ki wym em de krehkaam toh ka JUD kawa em ha Wahiajer, East Jaiñtia Hills, ka MCCL, East Khasi Hills wa ar tylli ha North Garo Hills.
Heiyatoh wa ki Coke Oven Plant da pyntip u wa da em 17 tylli kiwa dang krehkaam heiwa 3 tylli toh kiwa man kam ki Private Limited, 3 tylli kam ki Proprietorship wa 11 tylli kam ki Partnership.
Na kini ki 17 tylli, 13 tylli toh kiwa em ha East Jaiñtia Hills katwa soo tylli won toh ha West Khasi Hills.
Na ki Cement Plant wa em wa kynthup ya ki wym krehkaam leh, waroh da krehkaam ki na i thaw wa mantre hi ki lait noh ya ka Goldstone Cement Ltd kawa em ha Musniang Lamare waka JUD Cement kiwa dei chimwai yei thaw.
Heiyatoh wa ki Coke Oven Plant da pyntip u wa ka Abhi Coke Pvt Ltd kawa em ha Ladrymbai waka Ms Jaintia Coke Pvt Ltd kawa em ha Nonsning toh kiwa krehkaam nei thaw wa mantre hi ki katwa kiwi won dang lai pyntikna ka sorkar.
Heiyatoh wa ki Mining Lease ki Cement Plant won da pyntip u wa em 7 tylli.
Discussion about this post