15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

10 tylli ki kor Oxygen u e ka NF Healthcare India Pvt. Ltd. ya ka Meghalaya

Advertisement ad1
Advertisement ad1

Ki heh yong ka NF Healthcare India Pvt. Ltd. ynne ka sngi da tyrwa ki wow e mynkna ya 10 tylli ki kor booh Oxygen cha ka jylla Meghalaya, hadien wa ka sorkar jylla da dep ko wow booh ya kitai ki kor ha Shillong Civil Hospital wei da chem toh kiwa yarap wei e myntoi ha wow sumaar ya kiwa chitom.

Ki heh yong kani ka Company na South Korea hapoh i yahkhmat u CEO, u Jaejoo Woo, u John Parker wa u Mark Matthew, ynne ka sngi da yachem ki leh ya u Alexander Laoo Hek uwa man leh u Montri ka chnat i chiat i khiah yow booh ya ini i tyrwa.

U Hek da pyntip u wa ka sorkar da dep ko wow booh ya ka kor Oxygen Supply System ha Civil Hospital wei da chem wa yarap ko chiboon, wei neiliang ka Company daw e chooh ko ya kini ki kor cha ka Jylla Meghalaya sa 10 tylli, wa 100 tylli ha ka ri waroh kawi ya ki kor Oxygen, ha i jooh i por, u Hek da ong u wa ini i booh ya kini ki kor Oxygen ym toh du ha Civil Hospital Shillong tangwa ha waroh ki Hospital yong ka sorkar.

Neiliang u Jaejoo Woo da ong u wa ini i yachem wa u Montri ka chnat i chait i khiah man ko wow e khublei hajrong i ya krehlang hawa da yoh wow booh ya ki kor Oxygen ha kani ka jylla Meghalaya.

Share this:
Previous

Yachem ka EJH waka AJCA haka Inter-District U-23 Men’s Cricket Tournament

Next

Toh u bood yei nongmuna ka JHADC wow pyndooh kreh ha ki ADC: Lahkmen