15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Yachem ka EJH waka AJCA haka Inter-District U-23 Men’s Cricket Tournament

Ka East Jaiñtia Hills waka North Garo Hills da yoh ki wow em hakhmat ha ki yalehke yong ki haka Inter-District U-23 Men’s Cricket Tournament ynne ka sngi wa pynman daka Meghalaya Cricket Association.

Ha ka Zone 1, ka East Jaiñtia Hills kawa man leh ka District wa dang thymme kawa em hapoh ka MCA, da jop ko yaka kylla khlem wei da jied ko wow Bat nyngkong heiwa da kamai ko 164 Run hadien wa haap lut ki Wicket pyrchah yaka All Jaintia Cricket Association (AJCA). U Passang Sherpa da kamai u 61 Run, katwa u Daowan Passah (4/14) wa u Mewada Shylla (3/36) toh kiwa lehbha na kiwa kawang bol ka AJCA.

U Dathrangki da kami u 34 Run yaka AJCA, heiwa da haap lut ki Wicket ko hadien wa kamai ko 74 Run, iwa mut wa da tam ka EJH da 90 Run hadien ka Innings wa nyngkong. Neiliang kiwa kawang bol, u Saroj Raut da yoh u 5 Wicket deiwa e du 2 Run na ki 6 Over.

Chwa wow kut ka yalehke ynne ka sngi, ka EJH da yoh ko 35/2 na ki 17 Overs, heiwa u Peterson Sangma (18) da kamai u palat chiteiñ ki Run yow pyntam yaka EJH da 125 Run.

Ha Mendipathar won haka Zone 2, ka South Garo Hills da Bat nyngkong ko deiwa kamai du 44 Run pyrchah yaka North Garo Hills heiwa u Sanju Rabha da yoh u 5/8.

Ka NGH hawa Bat ko da yoh ko palat 4 Run chi Over deiwa kamai 245 Run hadien wa dooh lut yaki Wicket. U Aditya Singh da kamai boon dooh u deiwa yoh 65 Run, katwa u Drabest Marak (45) wa u Gilseng Momin (34) da ya kynchew lang ki. Na kiwa kawang bol ka SGH da lehbha u Ralseng Marak (3/17) wa u Chengsrang Marak (3/53).

Ka SGH da sdang ko yaka Inning wa ar deiwa em 201 Run chadien wei hadooh wa kut ka yalehke da yoh ko 59/6, deiwa emkaam sa 142 Run yow phah Bat biang yaka NGH. U Arien Bonchang da kamai u 42 Run na ki 59 bol yaka SGH tangwa da haap u 4 Over chwa wow kut ka yalehke ynne ka sngi. Na kiwa kawang bol, u Gilseng Momin (3/7) toh uwa da lehbha.

Share this:
Previous

Lehkmen ka Meghalaya Bharat Scouts & Guides yaka Founder’s Day

Next

10 tylli ki kor Oxygen u e ka NF Healthcare India Pvt. Ltd. ya ka Meghalaya