U montri i chait i khiah ka jylla u AL Hek da pyntip u wa ynne ka 4 tarik, kiwa dang yoh COVID-19 ha Meghalaya da em ki 108 ngut katwa kiwa dang chait da em ki 75 ngut.
Na kiwa dang yoh ha East Khasi Hills da em 43 ngut (chipai-7, paidbah-36), Ri Bhoi 27 ngut (chipai-8, paidbah-19), West Garo Hills 24 ngut (chipai-20, paidbah-4), West Jaiñtia Hills 6 ngut kiwa liwan nabaar jylla, East Jaiñtia Hills 4 ngut kiwa liwan na baar jylla, South West Khasi Hills 1, South Garo Hills 1.
Na kiwa dang chait ha East Khasi Hills da em 33 ngut, North Garo Hills 1, East Jaiñtia Hills 2, Ri Bhoi 20, West Jaiñtia Hills 1, West Garo Hills 5 wa ha West Khasi Hills 13.
Kawa yap ynnin ka 3 tarik toh kawa tip pyrtuid kam ka Ritha G Momin (59 snem) kawa na MES Quarter Crinoline, Shillong kawa nyngkong wa chah sumaar ha Bethany Hospital nadooh ka 27-08-20 kawa da Test wei da chem toh kawa em ya u COVID-19 nalor kiwi de ki chitom wei da kit won ya ka cha NEIGRIHMS heiwa da khlaad ko ynnin heipor 4:10 i janmiet iwa da pynpoi ya waroh kiwa da khlaad na u COVID-19 hapoh ka jylla cha ka 14 ngut.
Kiwa dang em ya u COVID-19 ha ki District man ki kamni ha wah:
East Khasi Hills: 842
West Khasi Hills: 31
South West Khasi : 1
Ri Bhoi: 91
West Jaiñtia Hills: 8
East Jaiñtia Hills: 25
West Garo Hills: 140
South West Garo Hills: 3
South Garo Hills: 22
East Garo Hills: 83
North Garo Hills: 6
Kiwa dang em ya u COVID-19 hapoh ka jylla da em ki 1252 ngut katwa kiwa chait da em ki 1468 ngut.
Kiwa liwan chapoh ka jylla da em ki 33,333 ngut heiwa da pynche wa ya ki Entry Point ym em khang hi wot sbak heiwa dang em hi ki chipai wa liwan kiwa yoh u psiah chapoh ka jylla.
Ki nongmuna kiwa da dep phah Test da em ki 95457 tylli, 91989 tylli toh kiwa ym em chah ktah namo kiwa man Negative wei dang yang yaka Result ki 734 tylli.
