15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U pteiñ biang ka Night Curfew ha West Jaiñtia Hills nadooh ka 4 tarik

Advertisement ad1
Advertisement ad1

Jowai: U District Magistrate ka West Jaiñtia Hills District, Jowai da pynmih hukum u wow pteiñ yaka Night Curfew hapoh ka District nadooh i miet ka 4 tarik uni u bnai (September) hadooh wa pynmih hukum da kamwi nadooh 9 waje i miet hadooh 5 waje i step man-ka-sngi.

Kani ka hukum man ko kam chibynta wow kdoh u khoom yei poor ka khlam COVID-19 hapoh ka District, yow ye u leh yei booddien (Contact Tracing), Quarantine wa kiwi kiwa emkaam kamjooh yow ye u bood ya ki kyndon wa da pynmih da ka sorkar.

U District Magistrate da pyntip u wa kani ka hukum ym krehkaam ko yaki bru chipai, ki wakreh ha i chait i khiah, ki Wholesale wa Retail Pharmacy, ki pulit, Fire & Emergency Service, MeECL, NEEPCO & Power Grid, Food & Civil Supply Department, FCI, Public Works Department (PWD), Public Health Engineering (PHE) Department, Jowai Municipal Board, Postal Service, Telecom, Communications & IT Services, Press, Print & Electronic Media, Petrol Pumps. Ya kiwa leh yaka Online Food Delivery u chah u krehkaam ki hadooh 10 waje i miet.

Ym em khang ya ki kaam wa ym hoi u dam (Essential Services) kam i sumaar sukher, ki Hospital, Clinic, Dispensary, Veterinary Clinic & Labs. Ki thaw chna kari wa kiwa dai tiar kari ki yong ka Health and Family Welfare Department, ki wakreh sorkar kiwa leh yei kaam yong ki, ki wakreh ha ki Corona Care Center, Information and Public Relations Department, National Highway waka Infrastructure Development Corporation Limited (NHIDCL).

Kani ka hukum da pynlait ko leh yei lai ki kari wa kit yaki mar wa emkaam, ki chipai, ki tiar ki tar wa yatoh wa i chait i khiah wa ki dukan chna Truck wa em ha ki sarok-bah. Tangwa kiwa yah kari wa kiwa yarap yaki hap ki wow leh yaka Medical Screening katkam ki kyndon.

Yaki Curfew Pass neibynta 9 waje i miet hadooh ka 5 waje i step nadooh ka 4 tarik uni u bnai hadooh wa pynmih hukum da kamwi ye u yaleh Online ha www.megedistrict.gov.in wa www.westjaintiahills.gov.in.

Share this:
Previous

Da booh moo yurim ya ka Water Supply Project ha Lawsohtun kawa T. 3.3 klur

Next

108 ngut kiwa dang yoh wa 75 ngut kiwa chait na u COVID-19 ynne ka 4 tarik ha Meghalaya