15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da hiar i poor u COVID-19 cha ki chnong ki thaw: Prestone

Advertisement ad1

U symbood montri rangbah ka jylla u Prestone Tynsong ynne ka sngi da one u wa neidaw wa joor i ku kiwa yoh COVID-19 hapoh ka jylla da hap wow ong wa i poor uni u khñiang da hiar i cha ki chnong ki thaw namo da em ka Community Spread.

Kamtæ neiliang ka sorkar da pynkynmoo ko wa emkaam wow bood ya ki kyndon yada kiwa da pynmih ka sorkar na ki por cha ki por khamtam ki le tylli wow leh yaka Social Distancing deiwa yajngai uwi na uwi, u deiñ ya ki Mask wei wow sait khooid bha ya ki kti.

Heijooh i por da ong u wa ki paidbah ym toh wow tieñ ki wei emkaam ki wow man kiwa husiar.

Ha iwi tawon i liang da ong u wa ka sorkar ynne ka sngi hadien wa da wai ya kiwa boon ki kaam ya dai ya thied, ka khayi pateiñ, ki yaw ki haat hapoh ka jylla, da chim yaka rai wow chah leh u wai ya ki dukan wa em harood ki sarokbah namo ka National Highway wei ya ki kyndon daw pynmih daka sorkar wa hap wow bood.

Da kyntu u leh ya ki paidbah wow bood thij ya ki kyndon neibhah kattu ym man de ko iwa suk wow leh yaka booddien namo ka Contact Tracing manda poor uni u khñiang hapyrdi kiwa chong chnong.

Share this:
Previous

108 ngut kiwa dang yoh wa 75 ngut kiwa chait na u COVID-19 ynne ka 4 tarik ha Meghalaya

Next

Soi soskular ka MoTA wa ka IIPA wow chna ya ka National Institute of Tribal Research