Kiwa yalehke ka Meghalaya kiwa lai chimbynta ha ka WAKO India National Seniors & Masters Kickboxing Championship wa pynman ha Nehru Indoor Stadium, Chennai, Tamil Nadu nadooh ka 18 hadooh ka 22 tarik uni u bnai da ka Tamil Nadu Amateur Kickboxing da yoh ki 11 tylli ki takma heiwa na kini, soo tylli da yoh da kiwa na West Jaiñtia Hills.
Ha kani ka lympung da wan wow chimbynta da kamwa 1500 ngut na ki 35 tylli ki jylla wa UT ka ri wa kynthuplang ya ki bru chipai namo ki Paramilitary Forces.
Kani ka lympung man ko leh kam chibynta wow pynkhreh yow jied ya kiwa lai chimbynta ha ka Riyadh World Combat Games 2023 kawa daw pynman ha Riyadh wa ha ka 6th Indoor Asian & Martial Arts Games wa daw pynman ha Thailand ha u 2023.
Kiwa yoh takma man ki kamni ha wah:
Takma Ksiar
- Teimiki Sungoh (Full Contact Men-60 Kg)
- Sparkle Rynghang (K1 Men-57 Kg)
- Meranda Mukhim (Light Contact Women-65 Kg)
Takma Rupa
- Hame Shaniah Suiam (Point Fighting Men-57 Kg)
- Team Point Fighting Men (Hame Shaniah Suiam, Pynshrainmiki Rabon, Stephanson Lyngdoh)
- Evangel Pohplet (Low Kick Women-48 Kg)
Takma Tama
- Jezerel Sangma (Full Contact Men-51 Kg)
- Heimonmi Suchiang (Full Contact Men- 54 Kg)
- Ibadarishisha Mukhim (Full Contact Women- 48 Kg)
- Belldona Pakyntein (Low Kick Women- 52 Kg)
- Khrawjutang Kharsyntiew (K1 Men- 57 Kg)
Kiwa na West Jaiñtia Hills wa yoh takma toh u Teimiki Sungoh uwa yoh takma ksiar ha ka Full Contact Men-60 Kg.
U Hame Shaniah Suiam uwa yoh takma rupa ha ka Point Fighting Men 57 Kg.
U Hame Shaniah Suiam, u Pynshrai, u Pynshrainmiki Rabon wa u Stephanson Lyngdoh kiwa da yoh takma rupa ha ka Team Point Fighting Men.
U Heimonmi Suchiang ha ka Full Contact Men-54 Kg uwa da yoh ya ka takma tama.
