U Montri Rangbah ka Meghalaya ynnin da pynlait paidbah u yaka ‘Meghalaya Trails’ App deilang waka kot Coffee Table Book wa e pyrtuid ‘Echoes of the Hills: Trekking Meghalaya’ deiwa emlang u Montri ka chnat Tourism, u Paul Lyngdoh.
Kani man ko leh kam chibynta wow pynchlur ya ki Adventure wa Eco-Tourism.
Kani ka ‘Meghalaya Trails’ App toh kawa yarap yow chem ya kiwa yah luti namo ki Guides kiwa da tipmit da ka sorkar, u chem ya ki thaw sah (Homestay) wa ki thaw uiñke suwari.
Ka kot ‘Echoes of the Hills: Trekking Meghalaya’ toh kawa khana ya ki thaw lai kjat namo Trekking kiwa chimpor hadooh 25 sngi wa 5 tylli kiwa chimpor chi sngi kiwa em ha kylleiñ ka Meghalaya.
Kam chibynta ini, ka Meghalaya Tourism da dep ko wow e sikai ya 113 ngut ki Volunteer ha kylleiñ ka jylla kiwa da lai cha Darjeeling yow yoh yei sikai hapoh ka Trip Leader Training Program (TLTP) deiwa ya krehlang wa kiwa chong chnong yow hikai ya ki nadooh i rukom klam wei i pynyatoh wa ki bru kamjooh i kaamram ki kam ki Guide ha ki kaam Adventure Tourism.
U Conrad hawa e yei klam da kyntu u ya kini ki Guide wow man i kiwa kyntu kynrong yei pyrtuid i naam ka Meghalaya deiwa yarap ya kiwa uiñke suwari wow sahkynmoo ki yei por yong ki ha Meghalaya.
Da pynchlur u leh yaka chnat Tourism wow khana yei parom kini ki thaw lai kjat wei wow booh ya iwa emkaam ki bru khamtam ha ki thaw wa em cha palatsor wa man kam ki thaw lai Trekking.
Discussion about this post