U Gresentus Susngi, MDC ka VPP na Nangbah-Mihmyntdu Constituency kam uwi napyrdi ki MDC wym yoh laad u wanrah yukylli hapoh ka dorbar lyiur ka JHADC ha ka 24 tarik uni u bnai, da pynsñiaw u yei diaw deiwa ong, katkam ka aiñ toh u man dorbar 3 sngi, tangwa tang chisngi leh ym neh.
Ong u kamwa ki paidbah da phah ki ya ki u wan cha kani ka yung yow klam yei eh i khoo yong ki, tangwa manda poi heini won du neidaw ki kattu katni ki bru wa kwah u chimbor ya ka Council, da leh ki leh dei bor.
Ong u wa neiliang yong oo ki yukylli wym yoh u wow wanrah wa kynthup yeiwa da kular u Conrad wow e Rs. 39 klur ka poisa ya ka Council katam wa mih khubor ha ka 23-05-25 dei wow pynlait ya ka poisa hapoh ar tayaaw kawa man hi leh ka bhah yong ka Council hi, tangwa hadooh ynne da dap ar bnai tam, ym pu tip wa da yoh mo pu em ya katæ ka poisa, wei la katwon da pynlut ya ka tulop wei katwon dang sah leh ym tip.
Neitæ ong u hawa kyruiñ won cha ka Building warim kawa la 61 snem i rta da chem wa i khyndaw-bilat wa chna ya ka da man iwa jem kam i khyndaw, wei yei khyndaw wa jrong 7-8 phut iwa oor na yaaw chyiap ha i chram kani ka yung krehkaam ka JHADC iwa booh hei maa, ym em leh ka Council iyi iyi.
Kamtæ da ong u wa na kani ka Rs. 39 klur ym pu tip lada yoh næ pu em yoh, tangwa wa da yoo wa yieñ pathan ha Council da ki kari syad dor wa thymme kam ka Scorpio, ka Innova iwa da pynphylla neibhah yeiwa emkaam dooh ka Council ym em yoh poisa tangwa ya ki kari wot hawa da em chwa leh dang yoh u thied.
Discussion about this post