12 ngut ki koidi wa em ha kylleiñ ka jylla toh kiwa em hapyrdi i rta wa 70 hadooh 80 snem, yeini da pyntip ya ka High Court ha ka 16 tarik uni u bnai.
Ka Division Bench ka Chief Justice Revati Mohite Dere wa u Justice W Diengdoh da ap ki ya ka bui (Report) ka sorkar wa e da u Additional Advocate General, u K Khan deiwa bood ya ka hukum wa pynmih ha ka 10 tarik u bnai wa dep.
Na kini, san ngut em ki ha Shillong Jail; uwi ha Nongpoh Jail; uwi ha Jowai Jail; soo ngut ha Tura Jail wa uwi ha Williamnagar Jail.
Hajrong ini da phah ya u Khan wow e ya ka yutip wa bñiah hajrong ki Case wa sahkut yong kini ki koidi.
Ka yung bichaar da phah ko leh ya u AAG wow jubab la katwon snem wa da chah kset ki wei lada em ki hapyrdi i chitom næ i kjut.
Ya kani ka mukotduma daw chong bichaar biang ha ka 10 tarik u bnai wow wan.
Discussion about this post